1. Parimet tona

Në kompaninë Supertekniku, transparenca dhe korrektësia ndaj klientëve përbëjnë themelin e çdo shërbimi që ofrojmë.
Çdo ndërhyrje teknike shoqërohet me kushte të qarta bashkëpunimi, të cilat përcaktojnë mënyrën e funksionimit, detyrimet dhe të drejtat e të dyja palëve.
Duke lexuar këtë dokument, ju njiheni me termat e shërbimit dhe pranoni zbatimin e tyre gjatë bashkëpunimit me Superteknikun.

2. Pranimi i shërbimit

Duke pranuar praninë e teknikëve tanë në ambientin tuaj, ju konfirmoni se jeni njohur me këto kushte dhe i pranoni ato si pjesë të marrëveshjes për ofrimin e shërbimit.
Në mungesë të një kërkese për anulim përpara fillimit të punës, shërbimi konsiderohet i miratuar dhe i autorizuar nga ana juaj.

3. Si funksionon shërbimi

• Teknikët tanë vijnë në adresën tuaj për të verifikuar dhe konstatuar problemin teknik.
• Për daljen dhe konstatimin profesional aplikohet një vlerë prej 3000 lekësh, e cila paguhet përpara fillimit të shërbimit.
• Kjo vlerë është e veçantë dhe e ndarë nga kostoja e riparimit dhe paguhet në çdo rast nga ana e klientit.
• Pas konstatimit, tekniku ju informon qartësisht për problemin, mënyrën e zgjidhjes dhe çmimin përkatës të riparimit.
• Nëse jepni miratimin, punimet vazhdojnë menjëherë në të njëjtën vizitë.
• Nëse nuk pranoni vlerën e riparimit, paguhet vetëm vlera e konstatimit (3000 leke).
• Në rast se pranoni ofertën e punës, kërkohet likuidimi i 50% të vlerës përpara blerjes së materialeve ose pjesëve të reja.
• Nëse klienti ndryshon mendim pas blerjes së materialeve, vlerat e likuiduara nuk rimbursohen.
• Në rast se gjatë ose pas riparimit lind nevoja për një pjesë të re, klienti informohet menjëherë dhe, nëse jep miratimin, paguhet vetëm kostoja e pjesës.
• Për arsye teknike ose ekonomike, Supertekniku mund të përdorë pjesë të përdorura të testuara.
  Nëse këto pjesë nuk funksionojnë siç duhet, ato zëvendësohen falas. Nëse kërkohet pjesë e re, klienti mbulon vetëm vlerën e saj.

4. Garancia e shërbimit

Supertekniku garanton cilësi dhe përgjegjësi në çdo ndërhyrje.
Garancia mbulon:

• Cilësinë e punës së kryer nga teknikët tanë;
• Pjesët e zëvendësuara gjatë procesit të riparimit.

Afatet e garancisë:

• Për shërbime me vlerë deri në 9,900 lekë → garanci 15 ditë kalendarike;
• Për shërbime me vlerë mbi 10,000 lekë → garanci 30 ditë kalendarike.

Garancia nuk mbulon dëmtime të shkaktuara nga:

• Ndërhyrje nga palë të treta;
• Përdorim i gabuar nga ana e klientit;
• Faktorë të jashtëm si lagështia, tensioni elektrik apo goditjet fizike.

5. Rimbursimet

Klienti ka të drejtë të kërkojë rimbursim në rastet e mëposhtme:

• Kur konstatimi rezulton i pasaktë dhe shërbimi nuk e zgjidh problemin;
  (përjashtohen rastet që kërkojnë ndërhyrje paraprake diagnostikuese)
• Kur Supertekniku nuk e përfundon me sukses shërbimin brenda 60 ditëve kalendarike nga vizita e parë.

6. Të drejtat dhe përgjegjësitë e klientit

• Klienti duhet të sigurojë qasje të lirë dhe kushte pune për teknikët.
• Klienti është përgjegjës për dhënien e informacionit të saktë mbi pajisjen dhe adresën.
• Çdo ndryshim në orar, anulim apo shtyrje të vizitës duhet të njoftohet të paktën 3 orë përpara orarit të caktuar.

7. Detyrimet e Superteknikut

• Të sigurojë teknikë të kualifikuar dhe të licencuar për çdo ndërhyrje.
• Të ofrojë transparencë maksimale mbi kostot dhe materialet e përdorura.
• Të respektojë afatet dhe standardet profesionale të punës.

8. Ndryshime në termat e shërbimit

Supertekniku rezervon të drejtën për të përditësuar ose ndryshuar këto kushte në çdo kohë, për të përmirësuar cilësinë dhe sigurinë e shërbimit.
Çdo ndryshim publikohet menjëherë në faqen zyrtare: www.supertekniku.com.

9. Kontakt

Për çdo pyetje apo sqarim në lidhje me termat e shërbimit, ju lutemi na kontaktoni në:
📱 Tel: +355 69 703 3438
📧 Email: [email protected]
🌐 Web: www.supertekniku.com

10. Falënderim

Faleminderit që zgjidhni Superteknikun.
Ne vlerësojmë besimin tuaj dhe angazhohemi çdo ditë për të ofruar shërbim të sigurt, profesional dhe me garanci në çdo ndërhyrje