Shpeshherë, problemet më të mëdha në shtëpi janë ato që nuk i shohim menjëherë. Një tubacion që pikon pas suvasë është një faktor kryesor  i shkatërrimit: duke dëmtuar strukturën e shtëpisë, duke krijuar myk dhe duke rritur faturat tuaja pa e kuptuar fare.

Nëse nuk doni që një pikë e vogël uji të kthehet në një lumë shpenzimesh, duhet të mësoni të bëni kontrolle të vazhdueshme në shtëpitë  tuaja. Ja 5 shenjat që tregojnë se diku pas suvasë, uji po rrjedh jashtë kontrollit:

1. “Flluskat” në bojë ose zhveshja e letrës së murit

Nëse shihni që boja e murit ka filluar të fryhet ose të krijojë flluska, ky është një sinjal i qartë. Uji që rrjedh pas murit depërton në materialin e suvasë dhe shtyn bojën jashtë. Nëse keni letër muri dhe shihni që qoshet kanë filluar të shkëputen apo të “rrëshqasin”, lagështia është padyshim aty.

2. Njollat  me ngjyrë të verdhë apo kafe

Nuk ka nevojë të jetë një pellg me ujë për të kuptuar se keni një rrjedhje. Njollat e lehta me ngjyrë të verdhë, kafe ose të hirtë në mure apo tavan janë shenja e parë e një tubacioni që pikon. Nëse këto njolla rriten pas çdo herë që dikush bën dush ose përdor lavamanin, burimi është shumë pranë.

3. Era e rëndë e mykut (Edhe nëse nuk e shihni)

Uji i bllokuar në hapësirat e errëta pas mureve është vendi perfekt për zhvillimin e mykut. Nëse sapo hyni në një dhomë ndjeni një erë të rëndë, si “lagështirë e vjetër”, por muret duken të pastra, ka shumë mundësi që myku po rritet brenda murit. Kjo nuk është vetëm çështje estetike, por një rrezik serioz për shëndetin tuaj respirator.

4. Sahati i ujit 

Ky është testi më i thjeshtë që mund të bëni vetë. Fikni të gjitha rubinetat në shtëpi, mos përdorni lavatriçen apo dushin dhe shkoni kontrolloni sahatin e ujit. Nëse disku vazhdon të rrotullohet, do të thotë se diku në sistemin tuaj ka një rrjedhje aktive. Sa më shpejt lëviz sahati, aq më e madhe është rrjedhja.

5. Zhurma të çuditshme (Fëshfërima apo pikime)

Në qetësinë e natës, dëgjoni me vëmendje muret e banjës apo të kuzhinës. Nëse dëgjoni një fëshfërimë të lehtë ose zhurmën e pikave që bien mbi një sipërfaqe të fortë, edhe pse asgjë nuk është hapur, shtëpia juaj po ju kërkon ndihmë. Tubacionet e plasaritura shpesh lëshojnë tinguj që vetëm një vesh i vëmendshëm (ose një Superteknik) mund t’i dallojë.

Pse duhet të veproni menjëherë?

Një rrjedhje e fshehur nuk rregullohet kurrë vetë; ajo vetëm përkeqësohet. Vonesa do të thotë:

• Rënie të suvasë dhe dëmtim të tullave.
• Fatura uji që dyfishohen pa e kuptuar.
• Rrezik të lidhjeve të shkurtra nëse uji bie në kontakt me telat elektrikë pas murit.

Kontakto SuperTeknikun dhe gjej zgjidhjet që të duhen!
Na gjeni edhe në Instagram!