TERMA DHE KUSHTE

PAKETA “SUPER PLUS HIDRAULIKE”

Data e hyrjes në fuqi: 9 Shtator 2026
Versioni: 1.0

Këta Terma dhe Kushte rregullojnë marrëdhënien ndërmjet Supertekniku sh.p.k dhe Klientit për Paketën “Super Plus Hidraulike”.

Duke blerë Paketën, Klienti konfirmon se është njohur me çmimin, kohëzgjatjen, kufirin e Ndërhyrjeve, shërbimet e përfshira dhe të përjashtuara, rregullat e aktivizimit dhe kushtet e tjera të përcaktuara më poshtë.

Asnjë dispozitë e këtyre Termave nuk kufizon të drejtat që konsumatorit i garantohen nga legjislacioni detyrues i Republikës së Shqipërisë.

1. OFRUESI I SHËRBIMIT

Paketa “Super Plus Hidraulike” ofrohet nga:

Supertekniku sh.p.k
NIPT: M22115004N
Adresa: Kompleksi Rezidencial “Magnet”, Pallati Lura, Rruga “Ndre Mjeda”, Tiranë, Shqipëri
Telefon: +355 69 703 3438
Website: www.supertekniku.com

Në këta Terma:

“Supertekniku”, “Kompania” ose “Ne” nënkupton Supertekniku sh.p.k.

“Klienti” ose “Konsumatori” nënkupton personin fizik që blen Paketën për përdorim personal ose familjar.

“Paketa” nënkupton Paketën “Super Plus Hidraulike”.

“Adresa e Regjistruar” nënkupton adresën e saktë të apartamentit të deklaruar nga Klienti gjatë aktivizimit.

“Ndërhyrje” ose “Claim” nënkupton një kërkesë të veçantë për kontroll, diagnostikim dhe/ose riparim të një problematike hidraulike të mbuluar ose të raportuar për Adresën e Regjistruar.

2. NATYRA E PAKETËS

“Super Plus Hidraulike” është një paketë vjetore shërbimesh hidraulike për banesën.

Paketa:

• nuk është kontratë sigurimi;
• nuk është garanci për zëvendësimin e instalimit hidraulik;
• nuk garanton që çdo defekt është teknikisht i riparueshëm;
• nuk përfshin pjesët, materialet ose aksesorët;
• nuk përfshin instalime të reja;
• nuk përfshin rikonstruksione hidraulike;
• nuk përfshin punime ndërtimore ose civile;
• nuk përfshin automatikisht sistemet e përbashkëta të pallatit.

Paketa përfshin hakun e punës për Ndërhyrjet hidraulike që hyjnë në objektin e këtyre Termave.

3. ÇMIMI DHE KOHËZGJATJA

Çmimi i Paketës është:

7,900 lekë / 12 muaj

Pagesa kryhet paraprakisht.

Paketa është e vlefshme për 12 muaj të plotë nga data e aktivizimit.

Për Ndërhyrjet e mbuluara nga Paketa:

nuk aplikohet tarifë kontrolli, diagnostikimi ose daljeje të teknikut.

Pjesët, materialet dhe aksesorët paguhen veçmas nga Klienti, vetëm pasi Klienti të jetë informuar për çmimin dhe ta ketë miratuar atë.

4. MAKSIMUMI 3 NDËRHYRJE NË VIT

Paketa i jep Klientit të drejtën për:

maksimumi 3 Ndërhyrje hidraulike gjatë periudhës 12-mujore.

Kufiri prej 3 Ndërhyrjesh është total për:

• Paketën;
• Klientin;
• Adresën e Regjistruar;
• periudhën 12-mujore.

Pas përdorimit të Ndërhyrjes së tretë, Klienti nuk ka të drejtë për Ndërhyrje të tjera të përfshira në Paketë gjatë asaj periudhe.

Shërbimet e mëtejshme mund të kryhen sipas tarifave standarde të Superteknikut, vetëm pasi Klienti të informohet dhe t’i miratojë.

5. ÇFARË KONSIDEROHET NJË NDËRHYRJE

Në parim:

Një problematikë hidraulike e pavarur = një Ndërhyrje.

Shembuj:

• një rubinet që rrjedh = 1 Ndërhyrje;
• një WC me problem në shkarkim = 1 Ndërhyrje;
• një lavaman i bllokuar = 1 Ndërhyrje;
• një rrjedhje tjetër e pavarur në një tub = 1 Ndërhyrje tjetër.

Nëse disa simptoma shkaktohen nga i njëjti defekt teknik, ato konsiderohen një Ndërhyrje e vetme.

Nëse gjatë së njëjtës vizitë konstatohen dy ose më shumë defekte teknikisht të pavarura, secili mund të konsiderohet Ndërhyrje më vete.

Supertekniku duhet ta informojë Klientin për këtë përpara kryerjes së Ndërhyrjes shtesë.

6. DISA VIZITA PËR TË NJËJTËN NDËRHYRJE

Nëse për përfundimin e të njëjtit riparim nevojiten dy ose më shumë vizita për shkak të:

• sigurimit të një pjese;
• sigurimit të një materiali;
• tharjes ose stabilizimit të instalimit;
• kontrollit teknik shtesë;
• ose një arsyeje tjetër të lidhur drejtpërdrejt me të njëjtin defekt,

vizitat konsiderohen një Ndërhyrje e vetme, për sa kohë lidhen me të njëjtin shkak teknik.

7. KUR KONSIDEROHET E PËRDORUR NJË NDËRHYRJE

Një Ndërhyrje konsiderohet e përdorur kur:

1. tekniku ka mbërritur në Adresën e Regjistruar; dhe
2. ka kryer kontrollin ose diagnostikimin teknik të problematikës së raportuar.

Ndërhyrja konsiderohet e përdorur edhe nëse pas diagnostikimit rezulton se:

• defekti nuk mund të riparohet teknikisht;
• riparimi nuk mund të kryhet në mënyrë të sigurt;
• kërkohet punim jashtë objektit të Paketës;
• kërkohet një pjesë ose material që Klienti nuk pranon ta blejë;
• nevojitet rikonstruksion;
• problemi vjen nga instalimi i përbashkët i pallatit;
• problemi vjen nga rrjeti publik i ujësjellësit ose kanalizimeve;
• vazhdimi kërkon një shërbim specialistik të pambuluar nga Paketa.

Nëse Supertekniku përcakton përpara dërgimit të teknikut se kërkesa është qartësisht jashtë Paketës dhe nuk kryhet vizitë, Klientit nuk i konsumohet Ndërhyrje.

8. SHËRBIMET HIDRAULIKE TË PËRFSHIRA

Në varësi të problematikës, Paketa mund të përfshijë kontrollin, diagnostikimin dhe hakun e punës për riparime të zakonshme hidraulike të instalimit ekzistues të banesës, përfshirë:

Rubinete dhe bateri

• rrjedhje nga rubineti;
• rrjedhje nga bateria;
• problem në hapje ose mbyllje;
• lidhje të lirshme;
• zëvendësim të një komponenti të riparueshëm.

Lavamanë dhe sifone

• rrjedhje në sifon;
• rrjedhje në lidhje;
• bllokim lokal;
• shkarkim jo normal;
• riparim ose zëvendësim i komponentëve të lidhjes.

WC

• rrjedhje;
• problem me furnizimin me ujë;
• problem me kasetën;
• galexhant;
• mekanizëm mbushjeje;
• mekanizëm shkarkimi;
• lidhje hidraulike;
• bllokim lokal i zakonshëm.

Dush dhe vaskë

• rrjedhje nga lidhjet;
• problem me baterinë;
• problem me zorrën ose kokën e dushit;
• problem lokal me shkarkimin;
• sifon ose lidhje hidraulike.

Bidet

• rrjedhje;
• lidhje;
• furnizim me ujë;
• shkarkim;
• problem me baterinë ose komponentët hidraulikë.

Tuba dhe lidhje

• rrjedhje lokale nga tubacionet e aksesueshme;
• rakorderi;
• valvula;
• lidhje;
• zorrë fleksibël;
• lidhje furnizimi;
• lidhje shkarkimi.

Valvula dhe rubinete ndërprerëse

• valvula lokale;
• rubinet kryesor i apartamentit, kur është pjesë e instalimit privat dhe është teknikisht i aksesueshëm;
• probleme në hapje, mbyllje ose rrjedhje.

Pajisje të lidhura me ujin

Paketa mund të mbulojë vetëm lidhjen hidraulike të:

• lavatriçes;
• lavastoviljes;
• bojlerit;
• pajisjeve të tjera familjare të lidhura me rrjetin e ujit.

Defektet mekanike, elektrike ose elektronike të vetë pajisjes nuk konsiderohen problem hidraulik dhe nuk mbulohen nga kjo Paketë.

9. BOJLERËT

Për bojlerin, Paketa Hidraulike mund të mbulojë vetëm problematika që lidhen me:

• tubacionet;
• valvulat;
• lidhjet hidraulike;
• zorrët;
• furnizimin me ujë;
• shkarkimin;
• rrjedhje nga lidhjet e jashtme.

Paketa Hidraulike nuk mbulon, në këtë cilësi:

• rezistencën elektrike;
• termostatin;
• pjesët elektronike;
• instalimin elektrik;
• defekte të brendshme të pajisjes që nuk janë hidraulike;
• zëvendësimin e bojlerit.

Nëse problematika klasifikohet si defekt i pajisjes dhe jo i instalimit hidraulik, ajo trajtohet sipas shërbimit ose Paketës përkatëse.

10. BLLOKIMET

Paketa mbulon bllokime të zakonshme dhe lokale të instalimit të brendshëm të apartamentit, kur ato mund të trajtohen me mjetet normale të punës së teknikut.

Nuk përfshihen automatikisht:

• bllokime të kolonës së përbashkët të pallatit;
• kanalizime publike;
• bllokime që kërkojnë automjet ose pajisje të specializuar të kanalizimeve;
• pastrim industrial;
• punime me presion të lartë të specializuar;
• gërmime;
• hapje dyshemeje;
• hapje muri;
• çmontime të mëdha infrastrukturore.

Nëse nevojitet një shërbim i tillë, Klienti informohet veçmas.

11. RRJEDHJET E FSHEHURA

Supertekniku mund të kryejë kontrollin teknik të një rrjedhjeje të dyshuar.

Paketa nuk garanton zbulimin e çdo rrjedhjeje të fshehur pa punime ose pajisje diagnostikuese të specializuara.

Nëse identifikimi ose riparimi kërkon:

• thyerje muri;
• thyerje dyshemeje;
• çmontim mobiliesh fikse;
• pajisje të specializuara për detektim;
• punime civile;
• hapje të konsiderueshme të strukturës së banesës,

këto punime nuk përfshihen automatikisht në Paketë.

12. SHËRBIMET QË NUK PËRFSHIHEN

Paketa nuk përfshin:

• instalime të reja hidraulike;
• rikonstruksione hidraulike;
• zëvendësim të plotë të rrjetit të tubacioneve;
• rinovim banjoje;
• rinovim kuzhine;
• shtim të pikave të reja të ujit;
• shtim të pikave të reja të shkarkimit;
• zhvendosje të instalimeve;
• punime ndërtimore;
• punime murature;
• punime pllakash;
• hapje ose mbyllje muresh;
• hapje ose mbyllje dyshemesh;
• hidroizolim;
• punime në çati;
• sisteme ujitjeje;
• pompa profesionale;
• depozita të mëdha ose sisteme teknike të ndërtesës;
• instalime industriale ose profesionale;
• kolonat dhe instalimet e përbashkëta të pallatit, përveç kur Supertekniku pranon shprehimisht të kryejë shërbimin veçmas;
• rrjetin publik të ujësjellësit;
• rrjetin publik të kanalizimeve;
• ndërhyrje që janë përgjegjësi e administratorit të pallatit ose operatorit të ujësjellës-kanalizimeve;
• pjesët;
• materialet;
• aksesorët.

Shërbimet jashtë Paketës mund t’i ofrohen Klientit me çmim të veçantë vetëm pas informimit dhe pranimit nga Klienti.

13. PJESËT DHE MATERIALET

Çmimi prej 7,900 lekësh nuk përfshin pjesët dhe materialet.

Shembuj përfshijnë:

• rubinete;
• bateri;
• valvula;
• galexhantë;
• mekanizma WC-je;
• sifone;
• zorrë fleksibël;
• rakorderi;
• tuba;
• guarnicione;
• rubinete këndore;
• filtra;
• lidhëse;
• pjesë shkarkimi;
• aksesorë sanitare;
• materiale izolimi ose montimi.

Para përdorimit të një pjese ose materiali me pagesë, Klientit i komunikohet çmimi.

Asnjë pjesë ose material me pagesë nuk montohet ose faturohet pa miratimin e Klientit.

Nëse Klienti refuzon materialin e domosdoshëm për riparimin, Supertekniku nuk është i detyruar të përfundojë punën.

14. PJESËT E SIGURUARA NGA KLIENTI

Klienti mund të kërkojë përdorimin e një pjese ose materiali të siguruar prej tij.

Supertekniku mund ta refuzojë përdorimin nëse pjesa:

• nuk është e përshtatshme;
• nuk është kompatibile;
• nuk plotëson standardet teknike;
• ka cilësi ose origjinë të dyshimtë;
• mund të shkaktojë rrjedhje;
• mund të dëmtojë instalimin;
• mund të krijojë rrezik.

Supertekniku nuk garanton cilësinë, origjinën, jetëgjatësinë ose funksionimin e pjesës së siguruar nga Klienti.

Supertekniku përgjigjet për punën e kryer prej tij sipas ligjit dhe këtyre Termave.

15. DEFEKTET PARA-EKZISTUESE

Paketa nuk mbulon problematika që:

• kanë ekzistuar përpara aktivizimit të Paketës; ose
• kanë qenë të njohura nga Klienti përpara aktivizimit.

Shembuj mund të përfshijnë:

• një rubinet që rridhte përpara aktivizimit;
• WC me problem të njohur;
• tubacion me rrjedhje ekzistuese;
• bllokim ekzistues;
• dëmtim i njohur i instalimit.

Vlerësimi mund të mbështetet në:

• historikun e shërbimeve;
• deklarimet e Klientit;
• gjendjen objektive të instalimit;
• shenjat teknike;
• dëmtimet e vjetra;
• ndërhyrjet e mëparshme.

Vetëm fakti që instalimi është i vjetër nuk mjafton për ta konsideruar automatikisht një problem para-ekzistues.

16. AKTIVIZIMI

Në aktivizimin e parë zbatohet një periudhë pritjeje prej:

15 ditësh pune nga konfirmimi i pagesës.

Paketa 12-mujore fillon nga data e aktivizimit dhe jo nga data e pagesës.

Klienti informohet për datën e aktivizimit.

Nëse Paketa rinovohet pa ndërprerje, periudha 15-ditore nuk aplikohet përsëri.

Nëse Paketa përfundon dhe blihet përsëri më vonë, Supertekniku mund ta trajtojë atë si një aktivizim të ri.

17. ADRESA E REGJISTRUAR

Paketa është e vlefshme për një adresë të vetme banimi.

Klienti duhet të deklarojë adresën e saktë të apartamentit.

Paketa nuk mund të përdoret për:

• një apartament tjetër;
• një banesë tjetër;
• një biznes;
• disa prona të Klientit;

përveç nëse Supertekniku ka dhënë miratim të shprehur ndryshe.

Në rast ndryshimi të banesës, transferimi i Paketës bëhet vetëm pas njoftimit dhe konfirmimit nga Supertekniku dhe vetëm brenda zonës së shërbimit.

18. GARANCIA E PUNËS

Supertekniku ofron:

30 ditë garanci kontraktuale për punën teknike të përfunduar.

Afati fillon nga data e përfundimit të punës.

Nëse brenda 30 ditëve përsëritet i njëjti problem dhe konstatohet se shkaku lidhet drejtpërdrejt me punën e mëparshme të Superteknikut:

• rikthimi nuk konsiderohet Ndërhyrje e re;
• nuk konsumohet një Claim tjetër;
• nuk aplikohet tarifë e re pune për korrigjimin e të njëjtës punë.

Nëse problematika shkaktohet nga:

• një defekt tjetër;
• një komponent tjetër;
• një rrjedhje tjetër;
• amortizim tjetër;
• keqpërdorim;
• ndërhyrje e një pale të tretë;
• pjesë e siguruar nga Klienti;
• presion jonormal i rrjetit;
• faktor i jashtëm;

ajo mund të konsiderohet Ndërhyrje e re.

Garancia 30-ditore është garanci kontraktuale shtesë dhe nuk kufizon të drejtat detyruese që konsumatori ka sipas ligjit.

19. KËRKESA PËR SHËRBIM

Klienti mund të kërkojë Ndërhyrje nëpërmjet kanaleve zyrtare të Superteknikut.

Klienti duhet të japë informacion të saktë për:

• identitetin;
• Paketën;
• Adresën e Regjistruar;
• natyrën e problematikës;
• vendndodhjen e rrjedhjes ose defektit;
• çdo rrezik të njohur;
• ndërhyrjet e mëparshme.

Supertekniku mund të kërkojë foto, video ose informacion shtesë para planifikimit të vizitës.

20. KOHA E SHËRBIMIT

Supertekniku organizon Ndërhyrjet sipas:

• disponueshmërisë së teknikëve;
• zonës;
• trafikut;
• ngarkesës operative;
• kompleksitetit të defektit;
• disponueshmërisë së pjesëve;
• kushteve të sigurisë.

Paketa nuk përbën shërbim emergjence 24/7 dhe nuk garanton mbërritjen e teknikut brenda një afati të caktuar, përveç nëse Supertekniku ka konfirmuar shprehimisht ndryshe.

21. ANULIMI OSE NDRYSHIMI I ORARIT

Klienti mund të anulojë ose ndryshojë një orar të konfirmuar duke njoftuar Superteknikun:

të paktën 2 orë përpara orarit të konfirmuar.

Nëse:

• Klienti nuk është i pranishëm;
• askush nuk siguron akses;
• Klienti refuzon aksesin;
• ose tekniku ka mbërritur dhe puna nuk mund të realizohet për një arsye nën kontrollin e Klientit,

vizita mund të konsiderohet një Ndërhyrje e përdorur.

Nëse vizita nuk realizohet për shkak të Superteknikut, Klientit nuk i konsumohet Ndërhyrje.

22. DETYRIMET E KLIENTIT

Klienti duhet:

• të japë informacion të saktë;
• të sigurojë akses në banesë;
• të sigurojë akses te instalimi;
• të informojë teknikun për rreziqe të njohura;
• të informojë për ndërhyrje të mëparshme;
• të ndërmarrë masa të arsyeshme për kufizimin e dëmit;
• të mos kërkojë punime të pasigurta ose të paligjshme;
• të paguajë pjesët dhe materialet që ka miratuar.

Në rast rrjedhjeje aktive, Klienti duhet, kur është e mundur dhe e sigurt, të ndërpresë furnizimin me ujë për të kufizuar dëmin deri në mbërritjen e teknikut.

23. SIGURIA

Supertekniku mund të mos fillojë ose të ndërpresë Ndërhyrjen nëse ekziston:

• përmbytje aktive që krijon rrezik;
• rrezik elektrik;
• rrjedhje gazi;
• rrezik strukturor;
• ndotje biologjike ose ujëra të zeza që kërkojnë masa të specializuara;
• materiale të rrezikshme;
• mungesë e kushteve minimale të sigurisë;
• dhunë;
• kërcënim;
• agresion;
• çdo rrethanë tjetër që rrezikon teknikun ose personat në ambient.

Supertekniku nuk është i detyruar të vazhdojë një punë në kushte të pasigurta.

24. PËRGJEGJËSIA E SUPERTEKNIKUT

Supertekniku angazhohet që shërbimet të kryhen me kujdes profesional dhe sipas standardeve teknike të zbatueshme.

Supertekniku përgjigjet për dëmet kur, sipas legjislacionit në fuqi, provohet se ato janë shkaktuar nga veprimi ose mosveprimi i tij gjatë Ndërhyrjes.

Në vlerësimin e përgjegjësisë merren parasysh, sipas rastit:

• gjendja e instalimit para Ndërhyrjes;
• mosha dhe amortizimi;
• natyra e defektit;
• gjendja e tubacioneve;
• ndërhyrjet e mëparshme;
• veprimet e Klientit;
• ndërhyrjet e palëve të treta;
• pjesët e përdorura;
• lidhja shkakësore ndërmjet punës dhe dëmit.

25. RASTET KU SUPERTEKNIKU NUK ËSHTË PËRGJEGJËS

Supertekniku nuk përgjigjet për dëme që nuk janë shkaktuar nga puna e tij dhe që rezultojnë nga:

• amortizimi normal;
• korrozioni i instalimit ekzistues;
• defekte të fshehura;
• problematika para-ekzistuese;
• keqpërdorimi;
• ndërhyrjet e palëve të treta;
• pjesët e siguruara nga Klienti;
• presioni jonormal i rrjetit;
• ndërprerje ose problematika të furnizimit publik me ujë;
• sistemet e përbashkëta të pallatit;
• probleme të kanalizimeve publike;
• zjarr;
• përmbytje nga faktorë të jashtëm;
• tërmet;
• ngrica;
• fatkeqësi natyrore;
• forcë madhore.

Asnjë dispozitë e këtyre Termave nuk përjashton ose kufizon një përgjegjësi që sipas ligjit nuk mund të përjashtohet ose kufizohet.

26. PËRDORIMI ABUZIV

Supertekniku mund të refuzojë ose ndërpresë Paketën në rast mashtrimi ose përdorimi abuziv, përfshirë:

• raportimin me dashje të defekteve fiktive;
• dhënien e informacionit të rremë;
• përdorimin në një adresë tjetër;
• fshehjen me dashje të një defekti para-ekzistues;
• manipulimin e historikut të Ndërhyrjeve;
• përdorimin për aktivitet profesional ose tregtar të padeklaruar.

Përdorimi normal i të tre Ndërhyrjeve të lejuara nuk konsiderohet përdorim abuziv.

27. RINOVIMI

Paketa mund të rinovohet manualisht ose automatikisht.

Rinovimi automatik aktivizohet vetëm me pëlqim të shprehur të Klientit.

Nëse Klienti nuk ka zgjedhur rinovimin automatik, nuk kryhet pagesë e re pa veprimin e tij.

Klienti mund ta çaktivizojë rinovimin automatik për periudhat e ardhshme.

Çdo ndryshim i çmimit zbatohet vetëm për periudhat e ardhshme dhe i komunikohet Klientit përpara rinovimit.

28. PËRFUNDIMI I PAKETËS

Paketa përfundon:

• pas mbarimit të periudhës 12-mujore, nëse nuk rinovohet;
• sipas kushteve ligjore të heqjes dorë;
• në rast mashtrimi ose shkeljeje serioze të Termave;
• në raste të tjera të parashikuara nga ligji.

Përdorimi i të tre Ndërhyrjeve nuk e anulon kontratën, por përfundon të drejtën e Klientit për Ndërhyrje të tjera të përfshira gjatë periudhës përkatëse.

Pas përfundimit të afatit ligjor të heqjes dorë, anulimi i njëanshëm nga Klienti nuk krijon automatikisht të drejtë për rimbursim proporcional, përveç kur kjo kërkohet nga ligji, kur ekziston një mospërmbushje që justifikon zgjidhjen e kontratës ose kur palët bien dakord ndryshe.

29. KONTRATAT NË LARGËSI

Kur Paketa blihet:

• online;
• me telefon;
• në WhatsApp;
• me email;
• ose me mjete të tjera komunikimi në largësi,

zbatohen rregullat ligjore për kontratat në largësi.

Përpara pagesës Klientit duhet t’i komunikohen qartë të paktën:

• identiteti i Superteknikut;
• karakteristikat kryesore të Paketës;
• çmimi prej 7,900 lekësh;
• kohëzgjatja 12-mujore;
• maksimumi 3 Ndërhyrje;
• fakti që haku i punës përfshihet;
• fakti që pjesët dhe materialet paguhen veç;
• data ose rregulli i aktivizimit;
• mënyra e rinovimit;
• kushtet e përfundimit;
• e drejta ligjore e heqjes dorë.

30. E DREJTA 14-DITORE E HEQJES DORË

Kur Paketa blihet në largësi ose jashtë qendrës së tregtimit dhe nuk zbatohet një përjashtim ligjor, konsumatori ka të drejtë të heqë dorë nga kontrata:

brenda 14 ditëve kalendarike

pa dhënë arsye.

Për kontratën e shërbimit, afati llogaritet nga dita e lidhjes së kontratës.

Klienti mund të ushtrojë të drejtën me një deklaratë të qartë drejtuar Superteknikut.

Rimbursimi kryhet sipas kushteve dhe afateve të përcaktuara nga legjislacioni në fuqi.

Nëse Klienti kërkon shprehimisht fillimin e shërbimit gjatë periudhës së heqjes dorë, zbatohen rregullat ligjore për pagesën proporcionale të shërbimit të realizuar deri në momentin e heqjes dorë.

Meqenëse aktivizimi standard i Paketës është 15 ditë pune pas konfirmimit të pagesës, në kushte normale Paketa nuk aktivizohet gjatë periudhës standarde 14-ditore.

31. KONFIRMIMI I KONTRATËS

Kur kontrata lidhet në largësi, Supertekniku i dërgon ose i vë në dispozicion Klientit konfirmimin e kontratës në një formë që mund të ruhet.

Konfirmimi duhet të përmbajë ose t’i referohet qartë:

• Paketës së zgjedhur;
• çmimit;
• Adresës së Regjistruar;
• datës së pagesës;
• datës së aktivizimit;
• mënyrës së rinovimit;
• këtyre Termave;
• informacionit mbi të drejtën e heqjes dorë.

32. FORMULAR MODEL PËR HEQJEN DORË

Drejtuar: Supertekniku sh.p.k

Unë, ______________________________, ju njoftoj për vendimin tim për të hequr dorë nga kontrata për Paketën “Super Plus Hidraulike”.

Emër/Mbiemër: ______________________________

Numër telefoni: ______________________________

Email: ______________________________

Adresa e Regjistruar: ______________________________

Data e lidhjes së kontratës: ______________________________

Data e kërkesës: ______________________________

Nënshkrimi: ______________________________
(vetëm kur kërkesa dorëzohet fizikisht)

Përdorimi i këtij formulari nuk është i detyrueshëm. Klienti mund të dërgojë edhe një deklaratë tjetër të qartë.

33. PRIVATËSIA DHE TË DHËNAT PERSONALE

Supertekniku mund të përpunojë të dhënat personale të Klientit për:

• lidhjen dhe administrimin e kontratës;
• identifikimin e Klientit;
• regjistrimin e Adresës;
• planifikimin e Ndërhyrjeve;
• dokumentimin e shërbimeve;
• faturimin;
• trajtimin e ankesave;
• përmbushjen e detyrimeve ligjore.

Përpunimi kryhet sipas Politikës së Privatësisë së Superteknikut dhe legjislacionit shqiptar në fuqi për mbrojtjen e të dhënave personale.

34. ANKESAT

Klienti mund të paraqesë ankesë pranë Superteknikut nëpërmjet kanaleve zyrtare të komunikimit.

Supertekniku shqyrton ankesën sipas natyrës dhe kompleksitetit të saj.

Paraqitja e ankesës pranë Superteknikut nuk kufizon të drejtën e Klientit për t’iu drejtuar:

• autoriteteve kompetente;
• strukturave për mbrojtjen e konsumatorit;
• mekanizmave të zgjidhjes alternative të mosmarrëveshjeve;
• gjykatës kompetente.

35. FORCA MADHORE

Supertekniku nuk përgjigjet për vonesa ose pamundësi në realizimin e shërbimit të shkaktuara nga rrethana jashtë kontrollit të tij të arsyeshëm, përfshirë:

• tërmete;
• përmbytje;
• zjarre;
• kushte ekstreme atmosferike;
• akte të autoriteteve;
• ndërprerje infrastrukturore;
• situata të tjera të jashtëzakonshme.

36. LIGJI I ZBATUESHËM

Këta Terma dhe Kushte rregullohen nga legjislacioni i Republikës së Shqipërisë.

Sipas rastit zbatohen:

• Kodi Civil i Republikës së Shqipërisë;
• legjislacioni për mbrojtjen e konsumatorëve;
• legjislacioni për tregtinë elektronike;
• Ligji nr. 124/2024 “Për mbrojtjen e të dhënave personale”;
• legjislacioni fiskal;
• aktet e tjera të zbatueshme.

Nëse një dispozitë e këtyre Termave bie në kundërshtim me një normë ligjore detyruese, zbatohet norma ligjore.

37. PAVLEFSHMËRIA E PJESSHME

Nëse një dispozitë e këtyre Termave rezulton e pavlefshme ose e pazbatueshme, pjesa tjetër e Termave vazhdon të zbatohet për aq sa marrëdhënia kontraktore mund të vazhdojë pa dispozitën përkatëse.

38. VERSIONI I TERMAVE

Për periudhën e paguar zbatohet versioni i Termave i pranuar nga Klienti në momentin e lidhjes ose rinovimit të kontratës.

Supertekniku mund t’i ndryshojë Termat për periudhat e ardhshme.

Ndryshimet materiale që ndikojnë Paketën i komunikohen Klientit përpara rinovimit të ardhshëm.

39. PRANIMI ELEKTRONIK

Përpara pagesës online duhet të ekzistojë një pranim i qartë:

☐ Kam lexuar dhe pranoj Termat dhe Kushtet e Paketës “Super Plus Hidraulike”.

Nëse ofrohet rinovimi automatik, pëlqimi duhet të merret veçmas:

☐ Autorizoj rinovimin automatik të Paketës dhe tarifimin për periudhat e ardhshme derisa ta çaktivizoj këtë opsion.

Kutia e rinovimit automatik nuk duhet të jetë e parazgjedhur.

40. INFORMACIONI KRYESOR PËRPARA BLERJES

SUPER PLUS HIDRAULIKE

7,900 lekë / 12 muaj

Deri në 3 Ndërhyrje hidraulike TOTAL gjatë vitit

0 lekë tarifë kontrolli për Ndërhyrjet e mbuluara

Haku i punës përfshihet

Pjesët dhe materialet paguhen veç

Vlen për 1 adresë banimi

Aktivizimi fillestar: 15 ditë pune pas konfirmimit të pagesës

Garancia e punës: 30 ditë

Anulimi/ndryshimi i vizitës: minimumi 2 orë përpara

Nuk përfshihen instalime të reja ose rikonstruksione

Nuk përfshihen punimet civile

Nuk përfshihen defektet para-ekzistuese

Nuk është shërbim emergjent 24/7

Për kontratat në largësi zbatohet e drejta ligjore e heqjes dorë kur plotësohen kushtet ligjore.