Superplus- Mirembajtje vjetore – Termat dhe kushtet

Kreu 9 Blog 9 Superplus- Mirembajtje vjetore – Termat dhe kushtet

TERMA DHE KUSHTE

PAKETA “SUPER PLUS TOTAL”

Data e hyrjes në fuqi: 9 Shtator 2026
Versioni: 1.0

Këta Terma dhe Kushte rregullojnë marrëdhënien ndërmjet Supertekniku sh.p.k dhe Klientit për Paketën “Super Plus Total”.

Paketa përfshin shërbime riparimi dhe mirëmbajtjeje korrigjuese në tre sektorë:

Shërbime Elektrike
Shërbime Hidraulike
Shërbime Elektroshtëpiake

Duke blerë Paketën, Klienti konfirmon se është njohur me çmimin, kohëzgjatjen, kufirin maksimal të Ndërhyrjeve, shërbimet e përfshira dhe të përjashtuara, rregullat e aktivizimit dhe kushtet e tjera të mëposhtme.

Asnjë dispozitë e këtyre Termave nuk kufizon të drejtat që konsumatorit i garantohen nga legjislacioni detyrues i Republikës së Shqipërisë.

1. OFRUESI I SHËRBIMIT

Paketa “Super Plus Total” ofrohet nga:

Supertekniku sh.p.k
NIPT: M22115004N
Adresa: Kompleksi Rezidencial “Magnet”, Pallati Lura, Rruga “Ndre Mjeda”, Tiranë, Shqipëri
Telefon: +355 69 703 3438
Website: www.supertekniku.com

Në këta Terma:

“Supertekniku”, “Kompania” ose “Ne” nënkupton Supertekniku sh.p.k.

“Klienti”, “Konsumatori” ose “Ju” nënkupton personin fizik që blen Paketën për përdorim personal ose familjar.

“Paketa” nënkupton Paketën “Super Plus Total”.

“Adresa e Regjistruar” është adresa e saktë e apartamentit të deklaruar nga Klienti në momentin e aktivizimit.

“Ndërhyrje” ose “Claim” është një kërkesë e veçantë për kontroll, diagnostikim dhe/ose riparim të një problematike teknike.

“Pajisje e Mbuluar” është një pajisje familjare që hyn në kategoritë e përcaktuara në këta Terma dhe ndodhet në Adresën e Regjistruar.

2. NATYRA E PAKETËS

“Super Plus Total” është një paketë vjetore shërbimesh teknike për banesën.

Paketa:

nuk është kontratë sigurimi;
nuk është garanci e prodhuesit;
nuk është garanci për zëvendësimin e pajisjeve;
nuk garanton që çdo defekt është teknikisht i riparueshëm;
nuk garanton disponueshmërinë e çdo pjese këmbimi;
nuk përfshin pjesët e këmbimit;
nuk përfshin materialet dhe aksesorët;
nuk përfshin instalime të reja;
nuk përfshin rikonstruksione;
nuk përfshin punime civile ose ndërtimore;
nuk përfshin pajisje profesionale ose industriale.

Paketa përfshin hakun e punës për Ndërhyrjet që plotësojnë kushtet e këtyre Termave.

3. ÇMIMI

Çmimi i Paketës është:

14,900 lekë / 12 muaj

Pagesa kryhet paraprakisht.

Paketa është e vlefshme për 12 muaj të plotë nga data e aktivizimit.

Për Claim-et e mbuluara:

0 lekë tarifë kontrolli

0 lekë tarifë diagnostikimi

0 lekë tarifë daljeje

Haku i punës përfshihet

Klienti paguan veçmas vetëm pjesët, materialet, aksesorët ose shërbimet e tjera që nuk përfshihen në Paketë dhe që janë miratuar paraprakisht prej tij.

4. KUFIRI MAKSIMAL – 3 CLAIM TOTAL

Paketa përfshin:

MAKSIMUMI 3 CLAIM TOTAL gjatë 12 muajve.

Kufiri prej 3 Claim është i përbashkët për të tre sektorët.

Nuk ofrohen 3 Claim për Elektrike + 3 Hidraulike + 3 Elektroshtëpiake.

Klienti ka gjithsej:

3 Claim për të gjithë Paketën.

5. SI MUND TË PËRDOREN 3 CLAIM-ET

Klienti është i lirë t’i përdorë 3 Claim-et në çdo kombinim.

Shembull 1

1 Elektrike
1 Hidraulike
1 Elektroshtëpiake

Totali = 3 Claim

Shembull 2

3 Hidraulike

Totali = 3 Claim

Shembull 3

2 Elektroshtëpiake
1 Elektrike

Totali = 3 Claim

Shembull 4

3 problematika të ndryshme në të njëjtën lavatriçe

Totali = 3 Claim

Nuk ekziston një numër i rezervuar Claim-esh për secilin sektor.

6. ÇFARË KONSIDEROHET NJË CLAIM

Parimi bazë është:

Një shkak teknik i pavarur = një Claim.

Nëse disa simptoma rezultojnë nga i njëjti shkak teknik, ato konsiderohen një Claim.

Nëse gjatë së njëjtës vizitë konstatohen dy ose më shumë defekte teknikisht të pavarura, ato mund të konsiderohen Claim të veçanta.

Në këtë rast, Supertekniku informon Klientin përpara trajtimit të problematikës shtesë.

7. NJË PROBLEM QË PREK DY SEKTORË

Një problem nuk numërohet automatikisht dy herë vetëm sepse diagnostikimi kërkon njohuri nga më shumë se një sektor.

Nëse ekziston një shkak teknik i vetëm, ai konsiderohet një Claim.

Shembull:

Një lavastovilje nuk merr ujë.

Nëse shkaku është një valvul e instalimit hidraulik të banesës:

1 Claim Hidraulik.

Nëse shkaku është elektrovalvula e vetë lavastoviljes:

1 Claim Elektroshtëpiak.

Nëse konstatohen njëkohësisht:

defekt në valvulën e banesës; dhe
defekt i pavarur në elektrovalvulën e pajisjes,

atëherë ekzistojnë 2 problematika të pavarura dhe mund të regjistrohen 2 Claim.

8. DISA VIZITA PËR TË NJËJTIN CLAIM

Nëse për përfundimin e të njëjtit riparim nevojiten disa vizita për shkak të:

porosisë së një pjese;
sigurimit të materialit;
diagnostikimit shtesë;
testimit;
transportit të pajisjes;
kthimit të pajisjes;
një procedure teknike që kërkon disa faza,

ato konsiderohen:

1 Claim

për sa kohë lidhen me të njëjtin shkak teknik.

9. KUR KONSIDEROHET I PËRDORUR NJË CLAIM

Një Claim konsiderohet i përdorur kur:

tekniku ka mbërritur në Adresën e Regjistruar; dhe
ka realizuar kontrollin ose diagnostikimin teknik të problematikës së raportuar.

Claim mund të konsiderohet i përdorur edhe kur pas diagnostikimit rezulton se:

defekti është i pariparueshëm;
riparimi është i pasigurt;
problematika është jashtë mbulimit;
kërkohet rikonstruksion;
nevojitet një pjesë që nuk gjendet;
Klienti nuk pranon çmimin e pjesës;
Klienti vendos të mos vazhdojë riparimin;
riparimi është ekonomikisht i pafavorshëm;
problemi është përgjegjësi e një operatori publik ose e administrimit të ndërtesës;
defekti rezulton para-ekzistues.

Nëse Supertekniku përcakton përpara dërgimit të teknikut se kërkesa është qartësisht jashtë Paketës dhe nuk kryhet vizitë, Claim nuk konsumohet.

10. PËRFUNDIMI I 3 CLAIM-EVE

Pas përdorimit të Claim-it të tretë, Klienti nuk ka të drejtë për Ndërhyrje të tjera të përfshira në Paketë gjatë së njëjtës periudhë 12-mujore.

Klienti mund të vazhdojë të përdorë Superteknikun sipas tarifave standarde.

Përdorimi i të tre Claim-eve nuk krijon:

penalitet;
detyrim shtesë;
pagesë automatike;
Claim të katërt.

11. SHËRBIMET ELEKTRIKE TË PËRFSHIRA

Paketa mund të mbulojë diagnostikimin dhe hakun e punës për riparime të zakonshme të instalimit elektrik ekzistues të brendshëm të banesës, përfshirë:

priza;
çelësa;
pika ndriçimi;
lidhje dhe kontakte elektrike;
defekte lokale kabllosh;
automate;
siguresa;
diferenciale/RCD;
komponentë të panelit elektrik;
defekte lokale qarqesh;
ndërprerje energjie në një pjesë të banesës;
kontakte të lirshme;
short-circuit;
diagnostikim të instalimit të brendshëm elektrik.

Mbulimi lidhet me riparimin e instalimit ekzistues, jo krijimin e instalimeve të reja.

12. SHËRBIMET ELEKTRIKE TË PËRJASHTUARA

Nuk përfshihen:

instalime elektrike të reja;
rikabllim i plotë i apartamentit;
rikonstruksion elektrik;
krijim qarqesh të reja;
shtim sistematik prizash;
projektim elektrik;
punime civile;
hapje/mbyllje muri;
punime në sistemet e përbashkëta të pallatit;
matësi ose rrjeti i operatorit të shpërndarjes;
sisteme profesionale;
instalime industriale;
fotovoltaikë;
gjeneratorë;
sisteme komplekse UPS;
karikues automjetesh elektrike;
CCTV, alarm ose rrjete të dhënash, përveçse kur është rënë dakord ndryshe.

13. SHËRBIMET HIDRAULIKE TË PËRFSHIRA

Paketa mund të mbulojë hakun e punës për problematika të zakonshme të instalimit hidraulik ekzistues, përfshirë:

rubinete;
bateri;
lavamanë;
sifone;
WC;
kaseta WC-je;
mekanizma shkarkimi;
galexhantë;
bidet;
dush;
vaskë;
valvula;
rakorderi;
lidhje hidraulike;
zorrë fleksibël;
rrjedhje lokale të aksesueshme;
bllokime lokale të zakonshme;
lidhje furnizimi;
lidhje shkarkimi;
lidhje hidraulike të pajisjeve shtëpiake.

14. SHËRBIMET HIDRAULIKE TË PËRJASHTUARA

Nuk përfshihen:

instalime hidraulike të reja;
rikonstruksione;
zëvendësim i plotë tubacionesh;
rinovim banjoje ose kuzhine;
shtim pikash të reja uji;
shtim pikash shkarkimi;
zhvendosje instalimesh;
hidroizolim;
punime ndërtimore;
hapje/mbyllje muresh ose dyshemesh;
kolona të përbashkëta të pallatit;
kanalizime publike;
rrjeti publik i ujësjellësit;
gërmime;
pastrim industrial kanalizimesh;
shërbime që kërkojnë pajisje të specializuara jashtë shërbimit normal të Superteknikut.

15. PAJISJET ELEKTROSHTËPIAKE TË MBULUARA

Paketa mbulon pajisjet familjare të mëposhtme:

Frigorifer
Pianurë
Aspirator
Furrë
Lavastovilje
Kondicioner
Lavatriçe
Tharëse rrobash
Larëse-tharëse

Pajisja duhet:

të jetë për përdorim familjar;
të ndodhet në Adresën e Regjistruar;
të jetë teknikisht e aksesueshme;
të mos përdoret kryesisht për aktivitet profesional ose industrial.

16. DEFEKTET ELEKTROSHTËPIAKE TË MBULUARA

Paketa mund të mbulojë hakun e punës për diagnostikim dhe riparim të defekteve mekanike, elektrike ose elektronike, përfshirë, sipas rastit:

pajisja nuk ndizet;
nuk merr ujë;
nuk shkarkon;
nuk centrifugon;
nuk ngroh;
nuk ftoh;
nuk than;
ndalon programin;
shfaq kod gabimi;
bën zhurmë jonormale;
rrjedh;
nuk arrin temperaturën;
problem me pompën;
motorin;
rezistencën;
sensorin;
termostatin;
modulin elektronik;
ventilatorin;
kompresorin;
komponentë të tjerë teknikë.

17. PJESËT E KËMBIMIT DHE MATERIALET

Pjesët dhe materialet nuk përfshihen në çmimin 14,900 lekë.

Kjo zbatohet për të tre sektorët.

Shembuj:

Elektrike

kabllo;
priza;
çelësa;
automate;
diferenciale;
komponentë elektrikë.

Hidraulike

rubinete;
valvula;
sifone;
tuba;
mekanizma WC-je;
zorrë;
rakorderi.

Elektroshtëpiake

motor;
pompë;
rezistencë;
modul;
sensor;
kompresor;
elektrovalvul;
kushinetë;
ventilator;
termostat;
pjesë mekanike ose elektronike.

Përpara montimit të një pjese ose përdorimit të materialit me pagesë, Klientit i komunikohet çmimi.

Asnjë pjesë ose material me pagesë nuk montohet pa miratimin e Klientit.

18. PJESËT E FURNIZUARA NGA KLIENTI

Klienti mund të propozojë përdorimin e pjesës ose materialit të siguruar prej tij.

Supertekniku mund ta refuzojë kur:

nuk është kompatibil;
është teknikisht i papërshtatshëm;
nuk plotëson standardet e nevojshme;
ka cilësi ose origjinë të dyshimtë;
mund të shkaktojë dëmtim;
mund të krijojë rrezik.

Supertekniku nuk garanton cilësinë, origjinën ose jetëgjatësinë e pjesës së furnizuar nga Klienti.

19. PAJISJA E PARIPARUESHME

Nëse një pajisje rezulton e pariparueshme, Supertekniku nuk ka detyrim që:

ta zëvendësojë;
të blejë pajisje të re;
të rimbursojë vlerën e saj;
të kompensojë diferencën e blerjes së një pajisjeje tjetër.

“Super Plus Total” është paketë shërbimi teknik, jo garanci zëvendësimi.

20. DISPONUESHMËRIA E PJESËVE

Supertekniku nuk garanton që çdo pjesë:

gjendet në treg;
është ende në prodhim;
mund të importohet;
mund të sigurohet në një afat të caktuar;
ka kosto ekonomikisht të leverdishme.

Pamundësia objektive e sigurimit të një pjese nuk krijon detyrim për Superteknikun të zëvendësojë pajisjen.

21. MOSHA E PAJISJEVE DHE INSTALIMEVE

Paketa nuk vendos automatikisht kufi maksimal moshe për pajisjet ose instalimet.

Megjithatë:

mosha;
amortizimi;
korrozioni;
disponueshmëria e pjesëve;
gjendja teknike

mund të ndikojnë në mundësinë e riparimit.

Vetëm mosha nuk mjafton për ta klasifikuar një defekt si para-ekzistues.

22. DEFEKTET PARA-EKZISTUESE

Paketa nuk mbulon një problem që:

ka ekzistuar përpara aktivizimit; ose
ka qenë i njohur nga Klienti përpara aktivizimit.

Supertekniku mund të marrë parasysh:

historikun e shërbimeve;
gjendjen objektive;
shenjat teknike;
fotografitë;
videot;
raportet e mëparshme;
deklarimet e Klientit;
ndërhyrjet e mëparshme.

Periudha e pritjes nuk e autorizon Superteknikun të klasifikojë automatikisht çdo defekt të mëvonshëm si para-ekzistues.

23. AKTIVIZIMI

Në aktivizimin e parë zbatohet periudha:

15 ditë pune nga konfirmimi i pagesës.

Periudha 12-mujore e Paketës fillon nga data e aktivizimit, jo nga data e pagesës.

Nëse Paketa rinovohet pa ndërprerje, periudha 15-ditore nuk aplikohet përsëri.

Nëse Paketa përfundon dhe blihet përsëri më vonë, mund të trajtohet si aktivizim i ri.

24. ADRESA E REGJISTRUAR

Paketa është e vlefshme për:

1 adresë të vetme banimi.

Klienti duhet të deklarojë adresën e saktë të apartamentit.

Paketa nuk mund të përdoret paralelisht:

në dy apartamente;
në pronën e një familjari;
në një biznes;
në një adresë tjetër.

Ndryshimi i Adresës së Regjistruar kërkon njoftim dhe konfirmim nga Supertekniku dhe kushtëzohet nga fakti që adresa e re është brenda zonës së shërbimit.

25. GARANCIA E PUNËS

Për punën teknike të përfunduar ofrohen:

30 ditë garanci kontraktuale për të njëjtën punë.

Nëse brenda 30 ditëve përsëritet i njëjti defekt dhe konstatohet se lidhet drejtpërdrejt me punën e kryer nga Supertekniku:

rikthimi nuk konsiderohet Claim i ri;
nuk konsumohet një nga 3 Claim-et;
nuk aplikohet tarifë e re pune për korrigjimin e së njëjtës punë.

Nëse problematika e re lidhet me:

komponent tjetër;
defekt tjetër;
amortizim tjetër;
keqpërdorim;
ndërhyrje të palës së tretë;
pjesë të siguruar nga Klienti;
faktor të jashtëm;

ajo mund të konsiderohet Claim i ri.

Garancia kontraktuale nuk kufizon të drejtat detyruese të konsumatorit sipas ligjit.

26. TRANSPORTI NË OFIÇINË

Nëse një Pajisje e Mbuluar nuk mund të riparohet në banesë, Supertekniku mund të propozojë transportimin e saj në ofiçinë.

Transporti, diagnostikimi në ofiçinë dhe kthimi për të njëjtin defekt nuk krijojnë Claim të ri.

Nëse ekziston një kosto transporti që nuk përfshihet në Paketë, Klienti duhet të informohet dhe ta miratojë atë paraprakisht.

27. KONDICIONERËT

Për kondicionerët familjarë mund të mbulohet haku i punës për diagnostikimin dhe riparimin e pajisjes.

Nuk përfshihen automatikisht:

montim kondicioneri të ri;
çmontim dhe zhvendosje;
tubacione të reja;
zgjatje tubacionesh;
shpime muri;
bazamente;
punime ndërtimore;
pjesë;
materiale;
gaz/freon kur përbën material të tarifueshëm;
pastrim periodik preventiv, përveçse kur është përfshirë shprehimisht.

28. BOJLERËT

Në kuadër të Paketës Hidraulike mund të trajtohen problematikat e instalimit të jashtëm hidraulik të bojlerit, si:

lidhjet;
valvulat;
tubacionet;
zorrët;
furnizimi;
shkarkimi.

Defektet e brendshme elektrike ose mekanike të bojlerit nuk përfshihen automatikisht si Pajisje Elektroshtëpiake, përveçse kur Supertekniku e ka deklaruar shprehimisht pajisjen si të mbuluar.

29. SHËRBIMET E PËRJASHTUARA NGA PAKETA TOTAL

Përveç përjashtimeve specifike të çdo sektori, nuk përfshihen:

instalime të reja;
rikonstruksione;
rinovime;
punime ndërtimore;
punime civile;
hapje/mbyllje muri, tavani ose dyshemeje;
modifikime strukturore;
pajisje industriale;
pajisje profesionale;
dëmtime vetëm estetike;
mirëmbajtje preventive rutinë, përveçse kur është përfshirë shprehimisht;
dëmtime të qëllimshme;
dëmtime nga keqpërdorimi;
punime në sistemet e përbashkëta të ndërtesës;
shërbime që janë përgjegjësi e operatorëve publikë;
pjesë;
materiale;
aksesorë.

30. KËRKESA PËR SHËRBIM

Klienti mund të kërkojë shërbim përmes kanaleve zyrtare të Superteknikut.

Duhet të japë informacion të saktë mbi:

Paketën;
Adresën;
pajisjen ose instalimin;
problematikën;
simptomat;
çdo rrezik të njohur.

Supertekniku mund të kërkojë fotografi, video, markën, modelin ose informacion tjetër teknik të arsyeshëm.

31. KOHA E KONTAKTIMIT DHE NDËRHYRJES

Në kushte normale operimi, Supertekniku synon të kontaktojë Klientin brenda 4 orëve të punës nga regjistrimi i kërkesës.

Ky është afat për:

kontaktimin;
verifikimin e kërkesës;
organizimin e shërbimit.

Nuk është garanci që tekniku do të mbërrijë brenda 4 orëve.

Koha e vizitës mund të varet nga:

disponueshmëria;
zona;
trafiku;
ngarkesa operative;
kompleksiteti;
pjesët;
kushtet e sigurisë.

Paketa nuk përbën shërbim emergjence 24/7, përveçse kur është rënë dakord shprehimisht ndryshe.

32. ANULIMI OSE NDRYSHIMI I ORARIT

Klienti mund të anulojë ose ndryshojë një vizitë duke njoftuar:

minimumi 2 orë përpara orarit të konfirmuar.

Nëse tekniku ka mbërritur dhe:

Klienti nuk është i pranishëm;
nuk sigurohet akses;
Klienti refuzon aksesin;
puna nuk mund të realizohet për një arsye nën kontrollin e Klientit,

vizita mund të konsiderohet Claim i përdorur.

Nëse vizita nuk realizohet për shkak të Superteknikut, Claim nuk konsumohet.

33. DETYRIMET E KLIENTIT

Klienti duhet:

të japë informacion të vërtetë;
të sigurojë akses;
të krijojë kushte të sigurta pune;
të informojë për rreziqe;
të informojë për riparimet e mëparshme;
të mos fshehë me dashje defekte ekzistuese;
të përdorë pajisjet sipas udhëzimeve;
të paguajë pjesët dhe materialet e miratuara;
të mos kërkojë punime të paligjshme ose të pasigurta.

34. SIGURIA

Supertekniku mund të mos fillojë ose të ndërpresë punën në rast:

rreziku elektrik;
rrjedhjeje gazi;
përmbytjeje aktive;
rreziku strukturor;
materialesh të rrezikshme;
mungese të kushteve minimale të sigurisë;
kërcënimi;
agresioni;
dhune;
situate tjetër të rrezikshme.

Supertekniku nuk është i detyruar të kryejë punë teknikisht të pasigurta ose të paligjshme.

35. PËRGJEGJËSIA E SUPERTEKNIKUT

Supertekniku kryen shërbimin me kujdes profesional dhe sipas standardeve teknike dhe legjislacionit të zbatueshëm.

Supertekniku përgjigjet për dëmet kur provohet, sipas legjislacionit në fuqi, se ato janë shkaktuar nga veprimi ose mosveprimi i tij gjatë Ndërhyrjes.

Në vlerësim mund të merren parasysh:

gjendja ekzistuese;
mosha;
amortizimi;
korrozioni;
natyra e defektit;
ndërhyrjet e mëparshme;
veprimet e Klientit;
pjesët e përdorura;
lidhja shkakësore ndërmjet punës dhe dëmit.

Asnjë dispozitë nuk përjashton një përgjegjësi që nuk mund të përjashtohet sipas ligjit.

36. FAKTORËT E JASHTËM

Supertekniku nuk përgjigjet për dëme që nuk lidhen me punën e tij dhe që shkaktohen nga:

rrufe;
zjarr;
përmbytje nga faktorë të jashtëm;
tërmet;
fatkeqësi natyrore;
luhatje të energjisë;
rrjeti publik;
sistemet e përbashkëta të ndërtesës;
keqpërdorim;
ndërhyrje të palëve të treta;
pjesë të furnizuara nga Klienti;
forcë madhore.

37. PËRDORIMI ABUZIV

Supertekniku mund të refuzojë ose të përfundojë Paketën në rast mashtrimi ose përdorimi abuziv, përfshirë:

defekte të raportuara në mënyrë fiktive;
informacion të rremë;
përdorim në adresë tjetër;
përdorim për pajisje profesionale;
manipulim të historikut;
fshehje të qëllimshme të një defekti para-ekzistues.

Përdorimi i të tre Claim-eve të lejuara nuk është përdorim abuziv.

38. RINOVIMI

Paketa mund të rinovohet:

manualisht; ose
automatikisht.

Rinovimi automatik aktivizohet vetëm me pëlqim të shprehur të Klientit.

Nëse Klienti nuk e ka zgjedhur, nuk kryhet pagesë automatike.

Klienti mund ta çaktivizojë rinovimin automatik për periudhat e ardhshme.

Çdo ndryshim çmimi zbatohet vetëm për periudhat e ardhshme dhe komunikohet përpara rinovimit.

39. PËRFUNDIMI I PAKETËS

Paketa përfundon:

pas 12 muajve, nëse nuk rinovohet;
sipas së drejtës ligjore të heqjes dorë;
në rast mashtrimi ose shkeljeje serioze;
në rastet e tjera të parashikuara nga ligji.

Përdorimi i tre Claim-eve përfundon të drejtën për Ndërhyrje të tjera të përfshira, por jo domosdoshmërisht periudhën administrative të kontratës.

Pas afatit ligjor të heqjes dorë, anulimi nga Klienti nuk krijon automatikisht të drejtë për rimbursim proporcional, përveç kur kjo kërkohet nga ligji, kur ekziston mospërmbushje që justifikon zgjidhjen ose kur palët bien dakord ndryshe.

40. KONTRATAT NË LARGËSI

Kur Paketa blihet:

online;
me telefon;
me WhatsApp;
me email;
ose nëpërmjet mjeteve të tjera të komunikimit në largësi,

Klientit duhet t’i komunikohet qartë përpara pagesës:

identiteti i Superteknikut;
çmimi 14,900 lekë;
kohëzgjatja 12-mujore;
aktivizimi pas 15 ditësh pune;
maksimumi 3 Claim TOTAL;
tre sektorët e mbuluar;
fakti që haku i punës përfshihet;
fakti që pjesët dhe materialet paguhen veç;
përjashtimet kryesore;
kushtet e rinovimit;
kushtet e përfundimit;
e drejta ligjore e heqjes dorë.

41. E DREJTA 14-DITORE E HEQJES DORË

Kur Paketa blihet në largësi ose jashtë qendrës së tregtimit dhe zbatohet e drejta ligjore e heqjes dorë, Klienti mund të heqë dorë nga kontrata:

brenda 14 ditëve kalendarike

pa dhënë arsye.

Për kontratën e shërbimit afati fillon nga dita e lidhjes së kontratës.

Klienti mund të përdorë formularin model ose çdo deklaratë tjetër të qartë.

Rimbursimi bëhet sipas kushteve dhe afateve të përcaktuara nga legjislacioni në fuqi.

Nëse Klienti kërkon shprehimisht fillimin e shërbimit gjatë periudhës së heqjes dorë, zbatohen rregullat ligjore për shërbimin e realizuar deri në momentin e heqjes dorë.

Meqenëse aktivizimi standard bëhet pas 15 ditësh pune, në kushte normale shërbimi nuk fillon gjatë periudhës standarde 14-ditore.

42. FORMULAR MODEL PËR HEQJEN DORË

Drejtuar: Supertekniku sh.p.k

Unë, ______________________________, ju njoftoj për vendimin tim për të hequr dorë nga kontrata për Paketën “Super Plus Total”.

Emër/Mbiemër: ______________________________

Telefon: ______________________________

Email: ______________________________

Adresa e Regjistruar: ______________________________

Data e lidhjes së kontratës: ______________________________

Data: ______________________________

Nënshkrimi: ______________________________
(vetëm kur dorëzohet fizikisht)

Përdorimi i formularit nuk është i detyrueshëm.

43. KONFIRMIMI I KONTRATËS

Supertekniku i dërgon ose i vë në dispozicion Klientit konfirmimin e kontratës në një formë që mund të ruhet.

Konfirmimi duhet të përmbajë ose t’i referohet:

emrit të Paketës;
çmimit;
datës së pagesës;
datës së aktivizimit;
Adresës së Regjistruar;
maksimumit prej 3 Claim;
mënyrës së rinovimit;
Termave dhe Kushteve;
informacionit për heqjen dorë.

44. PRIVATËSIA DHE TË DHËNAT PERSONALE

Supertekniku mund të përpunojë të dhënat e nevojshme për:

lidhjen dhe administrimin e kontratës;
identifikimin e Klientit;
Adresën e Regjistruar;
historikun e Claim-eve;
pajisjet;
problematikat teknike;
fotografitë ose videot e nevojshme për diagnostikim;
rezervimet;
faturimin;
ankesat;
përmbushjen e detyrimeve ligjore.

Përpunimi kryhet sipas Politikës së Privatësisë së Superteknikut dhe legjislacionit shqiptar në fuqi për mbrojtjen e të dhënave personale.

45. ANKESAT

Klienti mund të paraqesë ankesë përmes kanaleve zyrtare të Superteknikut.

Paraqitja e ankesës te Supertekniku nuk kufizon të drejtën e konsumatorit për t’iu drejtuar:

autoriteteve kompetente;
strukturave të mbrojtjes së konsumatorit;
mekanizmave të zgjidhjes alternative;
gjykatës kompetente.

46. LIGJI I ZBATUESHËM

Këta Terma rregullohen nga legjislacioni i Republikës së Shqipërisë.

Sipas rastit zbatohen:

Kodi Civil;
legjislacioni për mbrojtjen e konsumatorëve;
legjislacioni për tregtinë elektronike;
legjislacioni për mbrojtjen e të dhënave personale, përfshirë Ligjin nr. 124/2024;
legjislacioni fiskal;
aktet e tjera detyruese në fuqi.

Nëse një dispozitë bie në kundërshtim me një normë ligjore detyruese, zbatohet norma ligjore.

47. PAVLEFSHMËRIA E PJESSHME

Nëse një dispozitë rezulton e pavlefshme ose e pazbatueshme, kjo nuk cenon pjesën tjetër të Termave, për aq sa marrëdhënia kontraktore mund të vazhdojë pa dispozitën përkatëse.

48. VERSIONI I TERMAVE

Për periudhën e paguar zbatohet versioni i Termave që Klienti ka pranuar në momentin e lidhjes ose rinovimit të kontratës.

Supertekniku mund të ndryshojë Termat për periudhat e ardhshme.

Ndryshimet materiale i komunikohen Klientit përpara rinovimit.

49. PRANIMI ELEKTRONIK

Përpara pagesës online:

☐ Kam lexuar dhe pranoj Termat dhe Kushtet e Paketës “Super Plus Total”.

Për rinovimin automatik duhet një pëlqim i veçantë:

☐ Autorizoj rinovimin automatik të Paketës dhe tarifimin për periudhat e ardhshme derisa ta çaktivizoj këtë opsion.

Kutia e rinovimit automatik nuk duhet të jetë e parazgjedhur.

50. INFORMACIONI KRYESOR PËRPARA BLERJES

SUPER PLUS TOTAL

14,900 lekë / 12 muaj

Përfshin:

✓ Shërbime Elektrike

✓ Shërbime Hidraulike

✓ Riparime Elektroshtëpiake

Pajisjet elektroshtëpiake:

Frigorifer
Pianurë
Aspirator
Furrë
Lavastovilje
Kondicioner
Lavatriçe
Tharëse
Larëse-tharëse

MAKSIMUMI 3 CLAIM TOTAL / VIT

Jo 3 për sektor.

Tre Claim-et mund të përdoren në çfarëdo kombinimi ndërmjet Elektrike, Hidraulike dhe Elektroshtëpiake.

0 lekë tarifë kontrolli

0 lekë tarifë diagnostikimi

Haku i punës përfshihet

Pjesët dhe materialet paguhen veç

Vlen për 1 adresë banimi

Aktivizimi: 15 ditë pune pas konfirmimit të pagesës

Garancia e punës: 30 ditë

Rikthimi i mbuluar nga garancia nuk konsumon Claim të ri

Anulimi/ndryshimi i orarit: minimumi 2 orë përpara

Defektet para-ekzistuese nuk mbulohen

Nuk përfshihen instalimet e reja

Nuk përfshihen rikonstruksionet

Nuk përfshihen pjesët dhe materialet

Nuk përfshihen pajisjet profesionale ose industriale

Nuk është sigurim

Nuk përfshihet zëvendësimi i pajisjes

Nuk është shërbim emergjence 24/7

Për kontratat në largësi zbatohet e drejta ligjore e heqjes dorë kur plotësohen kushtet ligjore.